9مئی کو ہونےوالے واقعات انتہائی شرمناک ہیں،فواد چوہدری

رہنما پی ٹی آئی فواد چودھری اسلام آباد ہائیکورٹ سے باہر آ گئے،فواد چودھری کے ہمراہ ان کی اہلیہ بھی موجود ہیں ۔

تفصیلات کے مطابق میڈیا سے گفتگو کرتے ہوئے انہوں نے کہا کہ صبح سے تمام واقعات سب کے سامنے ہیں،9مئی کو پیش آنے والے واقعات پر رنجیدہ ہوں۔

9مئی کو ہونےوالے واقعات انتہائی شرمناک ہیں،معاملے کی فوری تحقیقات کرائی جائیں، جو بھی ملوث ہو کڑی سزا دی جائے۔

جناح ہاوس اور جی ایچ کیو میں جو واقعات پیش آئے اس پر پاکستانی رنجیدہ ہیں ، بطور ترجمان پی ٹی آئی سمجھتا ہوں 9مئی کے واقعات انتہائی قابل شرم تھے، ان کا تعلق تحریک انصاف سے ہو یا کسی بھی جماعت سے سزا ملنی چاہیے۔

ہمارا تعلق پاکستان سے ہے اور پاک فوج ہماری ہے ، پاک فوج ہے تو پاکستان ہے ، پاکستان ہے تو ہم ہیں ۔