پاکستان شوبزانڈسٹری کے معروف اداکار فیصل قریشی بھی چیئرمین پی ٹی آئی عمران خان کی حمایت میں بول پڑے۔
تفصیلات کے مطابق فیصل قریشی نے ٹک ٹاک پر ایک ویڈیو اپ لوڈ کی ہے جس میں وہ عمران خان کو ڈٹے رہنے کا مشورہ دے رہے ہیں ۔
فیصل قریشی نے کہا کہ خان صاحب آپ نے کہا تھا گھبرانا نہیں ۔ اب ہم کہتے ہیں کہ آپ نے نہیں گھبرانا۔اللہ آپ کو کامیاب کرے ۔
اس سے قبل سابق وزیراعظم اور چیئرمین پاکستان تحریک انصاف (پی ٹی آئی) عمران خان کی گرفتاری پر سابق کرکٹر شعیب اختر بھی کُھل کر بولے۔
سماجی رابطے کی ویب سائٹ ٹوئٹر پر شعیب اختر کی جانب سے عمران خان کی گرفتاری کی ویڈیو شیئر کی گئی۔ انہوں نے لکھا کہ اپنے قومی ہیرو کو اس حال میں دیکھنے کے یہ مناظر دل کو چھو لینے والے ہیں۔
سابق فاسٹ باؤلر کا کہنا تھا کہ یہ جانتے ہوئے کہ عمران خان زخمی ہیں اور انکی اس ملک کیلئے بے پناہ خدمات ہیں، اس سب کے باوجود عمران خان کے ساتھ اس طرح کی بدتمیزی کی گئی۔
راولپنڈی ایکسپریس نے سوال کیا کہ ہم کس طرف جا رہے ہیں؟ انہوں نے مطالبہ کرتے ہوئے کہا کہ ہمارے قومی ہیروز کی قدر کیجیے۔
It's a heart wrenching visual to see our national hero , @ImranKhanPTI being manhandled this way, considering he's injured and has countless services for Pakistan, Where are we heading towards? Show some respect to our national hero’s plz🙏🙏🙏 pic.twitter.com/UFd08TVOcp
— Shoaib Akhtar (@shoaib100mph) May 10, 2023