قومی ٹیم کے بلے باز فخر زمان نے انٹرنیشنل کرکٹ کونسل (آئی سی سی) کا بڑا اعزاز اپنے نام کرلیا۔
آئی سی سی کی جانب سے قومی کرکٹر فخر زمان کو ‘آئی سی سی پلیئر آف دی منتھ’ قرار دے دیا گیا۔ اس سے قبل آئی سی سی نے پلیئر آف دی منتھ کی نامزدگیوں کا اعلان کیا تھا جس میں نیوزی لینڈ کے کھلاڑی مارک چیپمین اور سری لنکا کے پرابتھ جے سوریا شامل تھے۔
اس حوالے سے فخر زمان نے سماجی رابطے کی ویب سائٹ ٹوئٹر پر جاری کردہ ٹویٹ میں لکھا کہ ‘جس طریقے سے نیوزی لینڈ کے کھلاڑی مارک چیپمین نے ٹی 20 میں ہمیں کوٹا، لگ یہی رہا تھا کہ یہ اعزاز انہیں ملے گا’
Jis tareeqay se Chapman bhai ne hame T20I me koota tha, mujhe to laga usko hi mile ga. But grateful to all the voters and fans for rooting out for me. 🙌 pic.twitter.com/CdZNg9tqnG
— Fakhar Zaman (@FakharZamanLive) May 9, 2023
فخر زمان نے اپنے چاہنے والوں کا شکریہ ادا کرتے ہوئے لکھا کہ تمام ووٹرز اور شائقین کا شکر گزار ہوں جنہوں نے میری حمایت کی۔