پشاور میں چوکیدار نے گرلز پرائمری اسکول کندی مروزئی نمبر2 بازی خیل کو تالے لگا دیے۔
چوکیدار نے ہیڈ مسٹریس کو اسکول میں داخل ہونے سے روک دیا، موقر قومی اخبار کے مطابق چوکیدار نے خاتون ہیڈمسٹریس کو مبینہ تشدد کرکے زخمی بھی کر دیا۔
اسکول انتظامیہ کے مطابق چوکیدار اسکول زمین کے مالک ہونے کے باعث ڈیوٹی نہیں کرتا، چوکیدار گیٹ پر ڈیوٹی نہیں دیتا، کہتا ہے اسکول زمین کا مالک ہوں۔
متاثرہ اسکول پرنسپل کے مطابق متعدد بار تحریری طور پر محکمہ تعلیم کو بھی آگاہ کیا، محکمہ ابتدائی و ثانوی تعلیم کی جانب سے چوکیدار کے خلاف انکوائری کے احکامات جاری کر دیے گئے ہیں۔
دو رکنی انکوائری ٹیم کو جلد رپورٹ جمع کرانے کی ہدایات دی گئی ہیں، پولیس کی جانب سے چوکیدار کے خلاف مقدمہ درج کر لیا گیاہے۔