پاکستان نے نیوزی لینڈ کو چوتھے ایک روزہ میچ میں جیت کیلئے 335 رنز کا ہدف دیدیا۔
پاکستان کی جانب سے کپتنان بابر اعظم نے 107 رنز کی شاندار اننگز کھیلی ، آغا سلمان نے 58 رنز بنائے ۔
اس سے قبل چوتھے ون ڈے میں نیوزی لینڈ نے پاکستان کے خلاف ٹاس جیت کر فیلڈنگ کا فیصلہ کیا،
پاکستان اور نیوزی لینڈ کے درمیان پانچ میچز کی سیریز کا چوتھا میچ آج کراچی نیشنل بینک اسٹیڈیم میں کھیلا جارہا ہے۔ پاکستان کو 5 میچز کی اس سیریز میں 0-3 سے برتری حاصل ہے۔
پاکستان کی جانب سے قومی ٹیم میں پانچ بڑی تبدیلیاں کی گئی ہیں۔ شان مسعود، اسامہ میر، افتخار احمد اور محمد حارث کو ٹیم میں شامل کیا گیا ہے۔
خیال رہے کہ قومی کرکٹ ٹیم اگر نیوزی لینڈ کے خلاف 5 میچز کی ون ڈے سیریز 0-5 سے جیت لیتی ہے تو پاکستان ون ڈے کرکٹ میں دنیا کی نمبر 1 ٹیم بن جائے گی۔ صرف ایک وائٹ واش پاکستان کو پانچویں نمبر سے نمبر 1 بنا دے گا۔
💯 moment ✨
A spectacular knock from a fine player 👏#PAKvNZ | #CricketMubarak pic.twitter.com/waeBThtca1
— Pakistan Cricket (@TheRealPCB) May 5, 2023