کراچی میں کھیلے جانے والے تیسرے ون ڈے میں نیوزی لینڈ کا پاکستان کے خلاف ٹاس جیت کر فیلڈنگ کا فیصلہ۔
پاکستان اور نیوزی لینڈ کے درمیان پانچ میچز کی ون ڈے سیریز کا تیسرا میچ آج کراچی کے نیشنل اسٹیڈیم میں کھیلا جائے گا۔ پاکستان کی جانب سے ٹیم میں 3 تبدیلیاں کی گئی ہیں۔
قومی ٹیم میں نائب کپتان شاداب خان کی واپسی ہوئی ہے جبکہ قومی ٹیم کے فاسٹ باولر شاہین شاہ آفریدی اور محمد وسیم جونیئر کو بھی آج ٹیم میں شامل کیا گیا ہے۔
خیال رہے کہ پاکستان کو نیوزی لینڈ کے خلاف پانچ میچز کی سیریز میں 0-2 سے برتری حاصل ہے۔ آج کا میچ جیتنے کی صورت میں سیریز پاکستان اپنے نام کرلے گا۔
یہ بھی ذہن میں رہے کہ پاکستان کو آئی سی سی ون ڈے مینز رینکنگ میں پہلے نمبر پر آنے کیلئے وائٹ واش کی ضرورت ہے جبکہ نیوزی لینڈ صرف سیریز جیت کر سرفہرست آسکتا ہے۔