خیبر پختونخوا کے ضلع کرم میں شدید بارشوں کے باعث ندی نالیوں میں طغیانی کا خدشہ ظاہر کیا گیا ہے۔
کُرم کے بیشتر علاقوں میں موسلادھار بارش اور ژالہ باری کا سلسلہ جاری ہے جس کی وجہ سے طغیانی کا خدشہ ہے۔ لوئر کُرم کے مختلف گاؤں میں اس وقت سیلابی ریلے نے تباہی مچا رکھی ہے۔
دریائے کُرم میں نچلے درجے کے سیلاب کی وجہ سے کئی کھیت متاثر ہوئے جبکہ لوئر کُرم کے گاؤں ٹنگے میں سیلاب کے باعث گندم کی فصلوں کو نقصان پہنچا ہے۔
خیال رہے کہ محکمہ موسمیات کی جانب سے ضلع کرم میں آج اور کل بھی طوفانی بارشوں کی پیشگوئی کی گئی ہے۔ ضلع کرم میں آج کم سے کم درجہ حرارت 23 ڈگری اور زیادہ سے زیادہ 25 ڈگری تک جانے کا امکان ہے۔