گجرات: پولیس نے سابق وزیر اعلیٰ پنجاب چودھری پرویز الہٰی کی رہائش گاہ پر ایک بار پھر چھاپہ مارا۔
سابق وزیر اعلیٰ پنجاب اور پاکستان تحریک انصاف (پی ٹی آئی) کے رہنما پرویز الہٰی کے گھر پر ایک بار پھر پولیس پہنچ گئی۔ پولیس سمیت اینٹی کرپشن کی 20 سے زائد گاڑیوں نے پرویز الہٰی کے گھر کا محاصرہ کر لیا۔
چودھری پرویز الہٰی کے صاحبزادے مونس الہٰی نے رات گئے سماجی رابطے کی ویب سائٹ ٹوئٹر پر پولیس چھاپے کی ویڈیو شیئر کرتے ہوئے لکھا کہ پولیس ایک بار پھر کنجا ہاؤس چھاپہ مارنے پہنچ گئی۔
Punjab police again at Kunjah House in Gujrat to conduct another raid. I have told them to give them access although they still don’t have a search warrant.
— Moonis Elahi (@MoonisElahi6)
ترجمان کنجا ہاؤس کے مطابق رہائش گاہ پر صرف ملازمین موجود ہیں اور گھر کا کوئی فرد موجود نہیں ہے۔