سکیورٹی فورسز کے ٹانک اور ڈیرہ اسماعیل خان میں آپریشن، فائرنگ کے تبادلے میں 3دہشتگرد ہلاک،2زخمی ہوگئے ۔
آئی ایس پی آر کے مطابق ہلاک دہشتگردوں میں کمانڈر جبار شاہ عرف شاہ عالم بھی شامل ہے،علاقے سے دہشتگردوں کے خاتمے کیلئے سرچ آپریشن جاری ہے۔
دوسری جانب میرانشاہ میں دہشتگردوں کی موجودگی کی اطلاعات پر کامیاب آپریشن،آئی ایس پی آر کے مطابق آپریشن کے دوران7 انتہائی مطلوب دہشتگردوں کو گرفتار کرلیا گیا،حافظ گل بہادر گروپ کا دہشتگرد کمانڈر مہتاب عرف لالا بھی پکڑا گیا۔
گرفتار دہشتگرد سیکیورٹی فورسز اور شہریوں پر حملوں میں ملوث تھے، اہل علاقہ نے سیکیورٹی فورسز کے آپریشن کو سراہا،اہل علاقہ نے دہشتگردی کی لعنت کے خاتمے کیلئے مکمل حمایت کی یقین دہانی کرائی۔