پاکستان اور نیوزی لینڈ کے درمیان کھیلے جانے والے دوسرے ون ڈے میچ میں پاکستان نے ٹاس جیت کر بولنگ کا فیصلہ کرلیا۔
راولپنڈی اور کراچی میں پاکستان اور نیوزی لینڈ کے درمیان 5 میچز کی ون ڈے سیریز کا آج دوسرا میچ راولپنڈی اسٹیڈیم میں کھیلا جائے گا۔ اس موقع پر ٹاس جیت کر قومی ٹیم کے کپتان بابر اعظم نے نیوز لینڈ کے کپتان ٹام لیتھم کو پہلے بیٹنگ کی دعوت دی۔
خیال رہے کہ 5 میچز کی اس سیریز میں پاکستان کو 0-1 سے برتری حاصل ہے۔ پہلے ون ڈے میچ میں پاکستان نے نیوزی لینڈ کو پانچ وکٹوں سے شکست دی تھی۔
دوسری طرف قومی ٹیم کے فاسٹ باؤلر احسان اللہ آج اپنا ڈیبیو کریں گے۔ اس موقع پر فاسٹ باولر شاہین شاہ آفریدی کی جانب سے احسان اللہ کو ون ڈے کیپ بھی دی گئی۔