قومی کرکٹر حارث سہیل انجری کا شکار ،نیوزی لینڈ کیخلاف پہلےون ڈے میں شرکت مشکوک ہوگئی ۔
پی سی بی کے مطابق حارث سہیل فیلڈنگ سیشن کے دوران گر گئے تھے ،حارث سہیل کے بائیں کندھے میں تکلیف ہے،انہیں اسپتال لے جایا گیا جہاں ان کی ٹیسٹ رپورٹ تسلی بخش آئی ہے۔
پی سی بی کا مزید کہنا ہے کہ حارث سہیل کی میچ میں شمولیت کا فیصلہ میڈیکل پینل کی مشاورت سے کیا جائے گا۔
دوسری جانب راولپنڈی کرکٹ اسٹیڈیم میں پاک نیوزی لینڈ ون ڈے سیریز کی ٹرافی کی رونمائی کردی گئی ۔پاک نیوزی لینڈ ون ڈے ٹرافی بھی ٹی ٹوئنٹی ٹرافی کی طرح بنائی گئی ہے،ون ڈے سیریز کی ٹرافی کی رونمائی تقریب میں قومی کپتان بابر اعظم اور نیوزی لینڈ کے کپتان ٹام لیتھم نے شرکت کی۔