ٹکٹوں کی غلط تقسیم، پی ٹی آئی نے 21 ممبران کو ٹکٹ دینے کا فیصلہ واپس لے لیا

پی ٹی آئی نے پنجاب میں پارٹی ٹکٹوں کی غلط تقسیم کا نوٹس لے لیا، 21 ممبران سے ٹکٹ واپس لے لئے۔

تحریک انصاف کی جانب سے پی پی 7 سے شبیراعوان سے ٹکٹ واپس لے کر طارق مرتضیٰ کو دے دیاگیا ہے، پی پی 10 سے طیبہ ابراہیم سے لیکر اجمل صابری کو اور پی پی 11 سے عدنان چوہدری سے ٹکٹ واپس لے کر عارف عباسی کو جاری کردیا ہے۔

تحریک انصاف کے فوکل پرسن اظہر مشوانی سماجی رابطے کی ویب سائٹ پر لسٹ جاری کر دی ہے۔اسد عمر کا کہنا تھا کہ اب تک 30 میں سے 21 ٹکٹ تبدیل کئے گئے ہیں، ان کا کہنا تھا کہ 9 ٹکٹ ان سیٹوں پر ہیں جن پرپہلے ٹکٹ جاری نہیں ہوئے تھے۔

واضح رہے کہ پی ٹی آئی کے کارکنوں کی بڑی تعداد نے ٹکٹوں کی تقسیم پر اپنی تشویش کا اظہار کیا تھا۔

— Azhar Mashwani (@MashwaniAzhar) April 26, 2023