29ویں شب، مسجد الحرام اور مسجد نبویؐ، ختم قرآن کی دعا میں لاکھوں افراد کی شرکت

رمضان المبارک کی 29 ویں شب کو مسجد الحرام میں ختم قرآن کا بے مثال اجتماع ہوا، جس میں شیخ عبدالرحمان السدیس نے رقت آمیز دعا کرائی۔

اسی طرح 29 ویں شب میں مسجد نبویؐ میں بھی روح پرور مناظر سامنے آ ئے، عرب میڈیا کے مطابق مسجد الحرام اور مسجد نبویؐ میں 29 ویں تراویح اور ختم قرآن کی ہونے والی دعا میں تقریباً 30 لاکھ سے زائد افراد نے شرکت کی۔

امام مسجد الحرام شیخ عبدالرحٰمن السدیس نے اس موقع پرسعودی عرب سمیت پوری امت مسلمہ کے لئے خصوصی دعائیں کیں۔