معروف کرکٹر سچن ٹنڈولکر کے بیٹے نے انڈین پریمیئر لیگ میں اپنا ڈبییو کر لیا۔
ارجن ٹنڈولکر نے اپنا پہلا میچ کلکتہ نائٹ رائیڈرز کے خلاف کھیلا، اس طرح دونوں نے آئی پی ایل کھیلنے والے پہلے باپ بیٹا ہونے کا منفرد اعزاز حاصل کر لیا ہے۔
ارجن ٹنڈولکر نے ممبئی انڈینز کی جانب سے دو اوورز کرائے اور بغیر کوئی وکٹ حاصل کئے انہوں نے 17 رنز دیے۔ اس میچ میں ممبئی انڈینز نے کلکتہ نائٹ رائیڈرز کو 5 وکٹوں سے شکست دی۔
اس سے قبل سچن ٹنڈولکر ممبئی انڈینز کی 2008ء سے 2013ء کے درمیان نمائندگی کر چکے ہیں، ارجن ٹنڈولکر کے ڈیبیو کرنے پران کے لئے بھارتی کرکٹرز کی جانب سے نیک خواہشات کا اظہار کیاجا رہاہے۔