ہم نیوز | Apr 06, 2023
خیبر پختونخوا کی نگران حکومت کی جانب سے پاکستان تحریک انصاف (پی ٹی آئی) دور میں بھرتی سوشل میڈیا انفلوئنسرز کو فارغ کردیا گیا۔
خیبر پختونخوا کے محکمہ اطلاعات کے مطابق بھرتی کیے گئے سوشل میڈیا انفلوئنسرز کا پراجیکٹ ختم کرکے وزارت خزانہ کو مراسلہ بھیج دیا گیا ہے۔ مراسلے میں انفلوئنسرز کا اعزازیہ اور تنخواہ روکنے کی سفارش کی گئی ہے۔
مراسلے میں مزید کہا گیا ہے کہ محکمہ اطلاعات نے 1109 سوشل میڈیا انفلوئنسرز بھرتی کیے تھے۔ کے پی نگران حکومت اس پراجیکٹ کو مزید جاری نہیں رکھ سکتی۔ یہ پراجیکٹ وسائل کا ضیاع ہے، پراجیکٹ کے تمام امور بند ہوچکے ہیں۔
Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More