“بابل کی دعائیں لیتی جا، جا تجھ کو سکھی سنسار ملے“
“کیا یہ رخصتی ہورہی ہے جو انھیں چہرہ چھپا کر آنا پڑا“
جی ہاں یہ اور اس طرح کے مختلف تبصرے گزشتہ روز عمران خان کے عدالت جانے کے بعد کیے جارہے ہیں۔ منگل کے روز تحریک انصاف کے رہنما عمران خان لاہور میں انسداد دہشت گردی کی عدالت میں حاضری دینے گئے تو ان کے انوکھے انداز نے عوام کو حیرت میں ڈال دیا۔ کچھ صارفین نے سابق وزیر اعظم کی ویڈیو پر گانے لگا کر ایڈیٹنگ بھی کرڈالی۔ ویڈیو دیکھیں
ویڈیو میں دیکھا جاسکتا ہے کہ عمران خان کو کافی سخت سیکورٹی میں عدالت لایا جارہا ہے۔ بلٹ پروف شیلڈ پہنانے کے علاوہ سیاہ رنگ کی شیلڈز سے ان کا چہرہ اور سر بھی چھپایا ہوا ہے۔ جس پر سوشل میڈیا کے عوام نے کڑی تنقید کی۔
جہاں عمران خان کے مخالفین ان کو تنقید کا نشانہ بنا رہے ہیں وہیں ان کے مداحوں کا کہنا ہے کہ اپنی جان کی حفاظت کرنے میں کوئی حرج نہیں کیوں کہ کچھ عرصہ پہلے انھیں گولی بھی ماری جاچکی ہے جو سابق وزیر اعظم کی ٹانگ پر لگی تھی۔ واقعے کے بعد ان کی سیکورٹی بڑھا دی گئی۔