قوم کو تباہ ہونے سے بچانا میرا جرم ہے، ڈونلڈ ٹرمپ

واشنگٹن: سابق امریکی صدر ڈونلڈ ٹرمپ نے کہا ہے کہ میرا جرم یہ ہے کہ میں نے اپنی قوم کو تباہ ہونے سے بچایا۔

سابق امریکی صدر ڈونلڈ ٹرمپ نے فلوریڈا میں اپنے حامیوں سے خطاب کرتے ہوئے کہا کہ مجھ پر بےبنیاد الزامات لگائے گئے اور عدالتی کارروائی انتخابی عمل میں مداخلت ہے۔

انہوں نے کہا کہ 75 ملین ووٹ لینے والے امریکی صدر پر فردجرم عائد کی جا رہی ہے جبکہ میں امریکہ میں اس طرح کی مداخلت کا سوچ بھی نہیں سکتا تھا۔

یہ بھی پڑھیں: 

ڈونلڈ ٹرمپ نے کہا کہ یہ جعلی کیس 2024 کے انتخابات کے سلسلے میں سامنے لایا گیا ہے اور جوبائیڈن کے دور میں روس نے امریکہ کے خلاف اتحاد بنا لیا۔

انہوں نے کہا کہ میرا جرم یہ ہے کہ میں نے اپنی قوم کو تباہ ہونے سے بچایا جبکہ جوبائیڈن انتظامیہ کی خارجہ پالیسی ناکامیوں کا شکار ہوئی۔