حکومت کا چھٹی کا اعلان۔۔ تعلیمی ادارے اور دفاتر کس دن بند رہیں گے؟

سندھ حکومت کی جانب سے 4 اپریل بروز منگل کو صوبے بھر میں عام تعطیل کا اعلان کیا گیا ہے۔ حکومت کی جانب سے جاری کردہ نوٹیفکیشن کے مطابق اس دن تمام خود مختار، نیم خودمختار ادارے اور دفاتر، کارپوریشنز اور لوکل کونسلز کے دفاتر بند رہیں گے البتہ فوری خدمات فراہم کرنے والے ادارے کھلے رہیں گے۔

واضح رہے کہ سندھ حکومت کی جانب سے یہ اعلان سابق وزیر اعظم ذوالفقار علی بھٹو کی 44 ویں "یوم شہادت" کے سلسلے میں کیا گیا ہے۔ ذوالفقار علی بھٹو کو 4 اپریل 1979 کو ایک مقدمے میں پھانسی دی گئی تھی۔ سندھ میں پیپلز پارٹی کی حکومت کی وجہ سے ہر سال اس دن عام تعطیل دی جاتی ہے۔