یقین کریں! پی آئی اے کےسارے پائلٹس ادارہ چھوڑنا چاہتے ہیں، ڈی جی سی اے اے

اسلام آباد: پاکستان کی قومی ایئر لائن پی آئی اے کے سارے پائلٹس ادارہ چھوڑنا چاہتے ہیں، یہ حیران کن انکشاف ڈی جی سول ایوی ایشن (سی اے اے) نے کیا ہے۔

ڈی جی سی اے اے نے یہ انکشاف سینیٹ کی قائمہ کمیٹی برائے ایوی ایشن کے اجلاس میں کیا۔ انہوں نے کہا کہ پائلٹس کی تنخواہوں پر تقریباً 35 ٹیکسز لگا دیے گئے ہیں۔

انہوں نے سینیٹ کی قائمہ کمیٹی برائے ایوی ایشن میں بریفنگ دیتے ہوئے کہا کہ پائلٹس کے فلائنگ آورز پر بھی ٹیکس لگا دیا گیا ہے۔

ڈی جی سی اے اے نے قائمہ کمیٹی کے اراکین سے کہا کہ اکثر فلائٹس کی منسوخی کا آپ سنتے ہیں تو وہ اسی وجہ سے ہوتی ہے۔