اسرائیل کے خلاف احتجاج کی سزا، انڈونیشیا اہم میزبانی سے محروم

اسرائیل کے خلاف احتجاج کرنے پر انڈونیشیا سے فیفا ورلڈکپ کی میزبانی چھین لی گئی۔

غیر ملکی خبر رساں ایجنسی کے مطابق فٹبال کی عالمی گورننگ باڈی فیفا نے انڈونیشیا سے انڈر 20 فٹبال ورلڈکپ کی میزبانی واپس لے لی۔ جو 20 مئی سے 11 جون تک ہونا تھا۔

انڈونیشیا کے صوبے بالی کے گورنر نے ایونٹ میں اسرائیلی ٹیم کی میزبانی سے انکار کر دیا تھا۔ جس کے باعث فیفا کی گورننگ باڈی نے ایونٹ منتقل کرنے کا فیصلہ کیا۔

فیفا کے مطابق انڈر 20 فٹبال ورلڈ کپ کے لیے متبادل میزبان کا اعلان جلد کر دیا جائے گا تاہم فی الحال ایونٹ کے شیڈول کو تبدیل نہیں کیا جا رہا یہی شیڈول برقرار رہے گا۔ انڈونیشیا کے خلاف جرمانے کا اعلان بھی جلد کر دیا جائے گا۔

یہ بھی پڑھیں: 

واضح رہے کہ اسرائیل ٹیم کی ایونٹ میں متوقع شرکت کے خلاف جکارتہ میں احتجاج بھی کیا گیا تھا جس میں مظاہرین نے فلسطینی پرچم اٹھا رکھے تھے۔

انڈونیشیا سے فیفا انڈر 20 ورلڈ کپ کی میزبانی چھننے کے بعد اس کی شرکت بھی مشکوک ہو گئی ہے۔