اسلام آباد: وزیر اعظم میاں شہباز شریف نے ایم کیو ایم پاکستان کے تحفظات دور کرنے اور مسائل حل کرنے کی فوری ہدایت کی ہے۔
انہوں نے یہ ہدایت ایم کیو ایم پاکستان کے کنوینر ڈاکٹر خالد مقبول صدیقی اور وفاقی وزیر برائے انفارمیشن ٹیکنالوجی سید امین الحق سے ملاقات کے دوران دی۔
پاکستان مسلم لیگ (ن) کے مرکزی صدر اور وزیراعظم میاں شہباز شریف کو ایم کیو ایم پاکستان کے وفد نے قومی اسمبلی میں سپریم کورٹ پریکٹس اینڈ پروسیجر بل کی منظوری پر مبارکباد پیش کی۔
ملاقات کے دوران ایم کیو ایم رہنماؤں کی وزیراعظم سے مردم شماری پر تحفظات اور کراچی کے مسائل کے حوالے سے بھی بات چیت ہوئی۔