ترکیہ کی ایئر لائن پاکستان میں فضائی آپریشن شروع کرے گی

پاکستان سے ترکی سمیت دیگر مقامات پر سفر کرنے والوں کے لیے ایک اچھی خبر سامنے آئی ہے۔

ایتھوپین ایئرلائن کے بعد ترکیہ کی سن ایکسپریس ایئرلائن نے پاکستان میں فضائی آپریشن شروع کرنے میں دلچسپی ظاہر کی ہے۔ 

 ترجمان سول ایوی ایشن سیف اللہ نے اردو نیوز سے بات کرتے ہوئے بتایا کہ’ ترکیہ کی سن ایئر لائن نے پاکستان سے باقاعدہ آپریشن شروع کرنے کے لیے سول ایوی ایشن اتھارٹی کو درخواست دی ہے‘۔

’سول ایوی ایشن نے یہ درخواست وزارت ہوا بازی کو ارسال کی ہے۔ وزارت سے منظوری کے بعد سن ایکسپریس پاکستان میں اپنے آپریشنز کا آغاز کرے گی‘۔

ترجمان کا کہنا تھا کہ’ پاکستان سے ترکیہ سمیت دیگر ممالک کے لیے سفر کرنے والے اس نئی ایئرلائن کے آپریشنز شروع ہونے کے بعد اس میں سفر کرسکیں گے‘۔