بابر اعظم ہمارے مستقل کپتان ہیں، میں تو ان کا وزیر ہوں، شاداب خان

ہم نیوز  |  Mar 17, 2023

اسلام آباد یونائیٹڈ کے کپتان شاداب خان نے کہا ہے کہ بابر اعظم ہمارے مستقل کپتان ہیں، میں تو ان کا وزیر ہوں۔ بابر کو ٹی 20 میں کپتانی کا وسیع تجربہ ہے، انہوں نے بالرز کا استعمال اچھے طریقے سے کیا۔

میچ کے بعد میڈیا سے گفتگو کرتے ہوئے شاداب خان کا کہنا تھا کہ پہلے 10 اوورز میں ہم نے اچھی بالنگ نہیں کی، پشاور کی ٹیم نے بالنگ اچھی کی۔ پشاور زلمی کی بیٹنگ کو سراہتے ہوئے انہوں نے کہا کہ زلمی نے پہلے 10 سے 12 اوورز میں جس طرح  بیٹنگ کی، وہ میچ کا ٹرننگ پوائنٹ تھا۔

شاداب خان کا مزید کہنا تھا کہ اسلام آباد یونائیٹڈ کے 4 کھلاڑی قومی ٹیم میں سلیکٹ ہوئے ہیں، یونائیٹڈ کے کھلاڑیوں کی انفرادی کارکردگی اچھی رہی۔

رواں ماہ افغانستان کے خلاف ہونے والی سیریز سے متعلق سوال کے جواب میں شاداب خان کا کہنا تھا کہ اچھا پرفارم کرنے کی کوشش کروں گا۔ افغانستان کے کھلاڑیوں کے ساتھ پی ایس ایل میں کھیلتے رہے ہیں۔ اٹیکنگ کرکٹ کے ساتھ اسمارٹ کرکٹ کھیلنے کی بھی ضرورت ہوتی ہے۔

واضح رہے کہ پی سی بی نے افغانستان کیخلاف تین میچوں کی ٹی ٹوئنٹی سیریز کیلئے اسکواڈ کا اعلان کر رکھا ہے جس میں شاداب خان قومی ٹیم کی قیادت کے فرائض سرانجام دیں گے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More