ایشیا کپ، بھارت کا پاکستان آنے سے انکار، شعیب اختر نے بڑی خواہش کا اظہار کر دیا

ہم نیوز  |  Mar 16, 2023

پاکستان کرکٹ ٹیم کے سابق فاسٹ باؤلر شعیب اختر نے ایشیا کپ میچز کے حوالے سے کہا کہ اگر یہ میچز پاکستان میں نہیں ہوتے پھر سری لنکا میں کروا لینے چاہئیں۔

لیجنڈز کرکٹ ٹورنامنٹ ویسٹ اینڈ پارک انٹرنیشنل کرکٹ سٹیڈیم دوحا میں 10 مارچ سے جاری ہے،شعیب اختر بھی دیگر پاکستانی کھلاڑیوں کے ساتھ اس ٹورنامنٹ میں شریک ہیں۔

انہوں نے وہاں ایک انٹرویو میں ایشیا کپ کے حوالے سے کہا کہ میری خواہش ہے کہ یہ میچز پاکستان میں ہوں، اگر ایسا نہیں ہوتا تو پھر سری لنکا میں یہ مقابلے کروا نے چاہئیں۔

انٹرویو کے دوران انہوں نے خواہش کی کہ ایشیا کپ اور ورلڈ کپ کے فائنل پاکستان اور بھارت کے درمیان ہونے چاہئیں، ان کا کہنا تھا کہ آئی سی سی اور ایشین کرکٹ کونسل کا پاک بھارت میچ سے بڑا کوئی مقابلہ نہیں۔

واضح رہے کہ ایشیا کپ کی میزبان پاکستان کو ملی ہوئی ہے لیکن بھارت پاکستان میں کھیلنے سے انکاری ہے، جس کے ردعمل میں پاکستان کی جانب سے بھی بھارت میں ہونے والے ورلڈکپ میں شرکت نہ کرنے کا عندیہ دیا گیا ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More