جاپان میں موری میموریل فاؤنڈیشن نے گلوبل پاور سٹی انڈیکس جاری کیا ہے، جس میں دبئی کو دنیا کو صاف ترین شہر قرار دیا گیاہے۔
اس خبر پر شیخ محمد بن راشد آل مکتوم نے کامیابی پر فخر کا اظہار کرتے ہوئے اپنے ٹوئٹ میں کہا کہ دبئی گزشتہ 3 سالوں سے جاپان میں موری میموریل فاؤنڈیشن کے جاری کردہ گلوبل پاور سٹی انڈیکس کے مطابق دنیا کا صاف ترین شہر ہے۔
دبي المدينة الأنظف في العالم حسب مؤشر قوة المدن العالمية الذي تصدره منظمة موري ميموريال في اليابان لآخر ٣ أعوام . النظافة حضارة .. النظافة ثقافة .. النظافة من الإيمان .. دبي المدينة الآمن عالمياً .. والأنظف عالمياً .. والأجمل بإذن الله.. لنحافظ عليها آمنة مستقرة مزدهرة ..
— HH Sheikh Mohammed (@HHShkMohd)
ان کا مزید کہنا تھا کہ صفائی تہذیب و تمدن کی بنیاد ہے اور یہ ایمان کا حصہ ہے، مجھے فخر ہے کہ دبئی نہ صرف صاف ستھرا ہے بلکہ دنیا کا سب سے محفوظ اور خوبصورت شہر بھی ہے۔
شیخ محمد بن راشد آل مکتوم نے کہا کہ آئیے اسے محفوظ، مستحکم اور خوشحال رکھنے کے لیے مل کر کام کریں۔