پولیس تشدد نہیں حادثہ، معاملہ اُلجھ گیا، علی بلال کو ہسپتال چھوڑ کر جانے والے گرفتار

تحریک انصاف کے جاں بحق کارکن کو ہسپتال چھوڑ کر جانے والے دو افراد کو پولیس نے حراست میں لے لیا۔

پولیس ذرائع کا کہنا ہے کہ ویگو گاڑی بھی قبضے میں لے لی گئی ہے، دوران تفتیش نوجوانوں نے علی بلال کی موت کو حادثہ بتایا ہے۔

پولیس کے مطابق گرفتار کئے گئے عمر اور جہا نزیب نے بتایا کہ پی ٹی آئی کارکن کی ہلاکت حادثے کی وجہ سے ہوئی۔

یہ بھی پڑھیں: 

ان کا کہنا تھا کہ یہ حادثہ فوٹرس اسٹیڈیم برج پر پیش آیا، پولیس ابھی تفتیش کا سلسلہ جاری رکھے ہوئے ہے۔

واضح رہے کہ علی بلال کی پوسٹ مارٹم رپورٹ میں تشدد ثابت ہوا تھا، سر پر گہری چوٹ تھی اور جسم کے مختلف حصوں پر تشدد کے نشانات پائے گئے۔