ملک میں پیٹرول، ڈیزل کا کتنا ذخیرہ موجود ہے؟ پیٹرولیم ڈویژن کا اہم بیان آ گیا

ملک میں پیٹرول اور ڈیزل کے ذخیرہ کے حوالے سے پیٹرولیم ڈویژن کا اہم بیان سامنے آ گیا۔

پیٹرولیم ڈویژن کی جانب سے جاری بیان میں کہا گیا ہے کہ ملک میں اوسطاً  پیٹرول کا 21 دن جب کہ  ڈیزل کا اوسطاً 36  دن کا ذخیرہ موجود ہے۔

پیٹرولیم ڈویژن نے کہا کہ ملک میں 4 لاکھ 17 ہزار میٹرک ٹن پیٹرول اور ڈیزل کے 5 لاکھ ٹن سے زائد کا اسٹاک ہے۔

دوسری جانب اوگرا کا کہنا ہے کہ ملک میں فیول سپلائی چین میں خلل یا رکاوٹ کی اطلاعات درست نہیں۔