عمرے کی ادائیگی کے لیے موٹر سائیکل پر روانہ ہونے والا شخص مکہ مکرمہ پہنچتے ہی وفات پا گیا۔
عرب میڈیا کا کہنا ہے کہ 53 سالہ غازی جاسم شہدے کا تعلق شام سے تھا اور وہ موٹر سائیکل پر جرمنی سے مسجد الحرام تک 73 دن میں پہنچے۔
غازی جاسم نے جب اپنا مکہ مکرمہ کی جانب سفر شروع کیا تو سفر میں پیش آنی والی مشکلات اور تجربات کو سوشل میڈیا کے ذریعے شیئر کرتے رہے۔
غازی جاسم جیسے ہی مسجد الحرام پہنچے ان کا انتقال ہو گیا، ان کی نماز جنازہ یہیں پر ادا کی گئی جس کے بعد انہیں مکہ مکرمہ کے قبرستان میں سپرد خاک کر دیا گیا۔
سوشل میڈیا پر ایک جانب تو ان کے سفر کی تعریف کی جا رہی ہے اور دوسری جانب ان کے انتقال پر دکھ کا اظہار کیا جا رہا ہے۔