ترکیہ میں آنے والے خوفناک زلزلے کے 23 دن بعد ملبے سے ایک کتے کو معجزانہ طور پر زندہ نکال لیا گیا۔
ترکیہ اور شام میں چھ فروری کو آنے والے زلزلے کے نتیجے میں 50 ہزار سے زائد افراد جاں بحق ہوئے اور لاکھوں افراد زخمی ہوئے۔
زلزلے کے بعد گری ہوئی عمارتوں کے ملبے سے ریسکیو آپریشن کے ذریعے کئی لوگوں کو زندہ نکالا گیا، کچھ روز قبل ایک گھوڑا بھی زندہ حالت میں ملبے سے نکالا گیا تھا۔ اس کے علاوہ آٹھ بھیڑوں کو بھی ریسکیو کیا گیا تھا۔
ریسکیو اہلکاروں کا کہنا تھا کہ ہمیں ملبے سے آواز محسوس ہوئی جب قریب جا کر سنا تو پتہ چلا کہ ملبے تلے ایک کتا دبا ہوا ہے، ریسکیو اہلکاروں کے مطابق کتے کو نکالنے میں دو گھنٹے کا وقت لگا اور آخر کار اسے ملبے سے زندہ نکال لیا۔