اولڈ ایج ہوم میں پچھتر سالہ شخص بابو راؤ پٹیل نے 70 سالہ انوسیاشندے سے محبت کی شادی کر لی۔
محبت کے بارے میں کہا جاتا ہے کہ اندھی ہوتی ہے اور یہ کسی وقت اور کسی عمر بھی ہو جاتی ہے۔ ایسا ہی کچھ بھارتی ریاست مہاراشٹرا کے شہر کولہاپور کے اولڈ ایج ہوم میں ہوا۔
دو سال قبل راؤ پٹیل اور انوسیاشندے جب اولڈ ایج ہوم آئے تو اس وقت دونوں کے لائف پارٹنر اس دنیا سے جا چکے تھے۔ اولڈ ایج ہوم میں ہونے والی ملاقات دوستی سے محبت میں بدل گئی۔
کچھ روز قبل ہی 75 سالہ بابو راؤ پٹیل نے انوسیاشندے سے شادی کی خواہش کا اظہار کیا جسے انوسیاشندے نے بھی قبول کر لیا، اس طرح دونوں شادی کے بندھن میں بندھ گئے۔