شہر قائد میں مردم شماری کا عملہ بھی لٹ گیا

کراچی میں جاری مردم شماری کی مہم کے دوران لانڈھی میں نامعلوم افراد مردم شماری کے عملے سے موبائل چھین کر فرار ہو گئے۔

شہر قائد میں موبائل فون اور نقدی چھیننا عام ہو گیا ہے، عام شہریوں کے ساتھ ساتھ سرکاری اہلکار بھی ان وارداتوں کا شکار ہو رہے ہیں۔

کراچی میں خانہ شماری کے عمل کے دوران نامعلوم ملزمان مردم شماری کے عملے سے موبائل فون چھین کرفرار ہونے میں کامیاب ہوگئے۔

پولیس حکام کا موقف ہے کہ مردم شماری کے عملے کو سکیورٹی دی گئی ہے جبکہ اپنے موبائل سے ہاتھ دھونے والے اہلکار کا کہنا ہے کہ وہ علاقے میں اکیلا تھا۔