تہران: ایران میں اسکول بند کرنے کے لیے طالبات کو جان بوجھ کر زہر دینے کا انکشاف ہوا ہے۔
غیر ملکی خبر رساں ایجنسی کے مطابق ایران کے ایک ہیلتھ ڈیپارٹمنٹ نے کہا ہے کہ ایران کے بڑے شہر “قم” میں سینکڑوں طالبات کو زہر اسکول بند کرنے کی کوشش میں دیا گیا تھا۔
انہوں نے کہا نومبر کے آخر سے اسکولوں میں بچیوں کو زہر دینے کے واقعات رپورٹ ہوئے جن میں سے کئی طالبات کو اسپتال بھی منتقل کرنا پڑا تھا۔
ہیلتھ ڈیپارٹمنٹ کے نمائندہ نے کہا کہ بعد میں معلوم ہوا کہ طالبات کو اسکولوں سے بےدخل کرنے کی مزموم کوشش کی جاتی رہی ہے۔
انہوں نے کہا کہ اب تک کسی گرفتاری کا اعلان نہیں کیا گیا ہے۔