شادی کے لیے بابراعظم کو کس کا ہے انتظار؟

پشاور زلمی کے کپتان بابراعظم کی شادی کب  کریں گے؟ ہر طرف اسی بات کا چرچہ ہے۔ لیکن بابر اعظم کو شادی کے لیے کس کا انتظار ہے  انہوں نے پریس کانفرنس میں بتادیا۔

پاکستان ٹیم کے کئی کرکٹرز کی  حال ہی میں شادیاں ہوئی ہیں جس کے بعد کرکٹ فینز کپتان بابر اعظم کی شادی کے بھی  منتظر  ہیں۔

پاکستان سپر لیگ کے دوران ایک پریس کانفرنس میں بابر اعظم سے شادی سے متعلق سوال پوچھا گیا۔ ایک صحافی نے بابر سے پوچھا کہ سارے لڑکوں کی شادیاں ہو رہی ہیں آپ کے بال سفید ہو رہے ہیں ایسا کیوں؟

بابر اعظم نے کہا کہ میرے سفید بال عمر کی وجہ سے نہیں بلکہ شروع سے ہی ہیں۔

پشاور زلمی کے کپتان بابر اعظم نے کہا کہ جب وقت آئے گا تب شادی ہو جائے گی، وقت کا تو میں بھی انتظار کر رہا ہوں۔ آپ بھی کیجیے۔