بلوچستان کے ضلع بارکھان میں دھماکے سے چار ہلاک اور دس زخمی

اردو نیوز  |  Feb 26, 2023

بلوچستان کے ضلع بارکھان میں بم دھماکے کے نتیجے میں چار افراد ہلاک اور دس زخمی ہوگئے ہیں۔

پولیس کے مطابق اتوار کی صبح دھماکہ بارکھان کے علاقے رکھنی کے بازار میں ایک ہوٹل اور حجام کی دکان کے قریب ہوا جہاں لوگوں کا رش تھا۔

ایس ایچ او سجاد افضل نے تین ہلاکتوں کی تصدیق کرتے ہوئے بتایا کہ بم موٹرسائیکل میں نصب کیا گیا تھا جس کی نوعیت معلوم کی جا رہی ہے۔

زخمیوں میں ایک بچی اور خاتون بھی شامل ہیں۔ لاشوں اور زخمیوں کو رکھنی ہسپتال منتقل کیا گیا جہاں دو زخمیوں کی حالت تشویشناک بتائی جاتی ہے۔

دونوں شدید زخمیوں کو مزید علاج کے لیے قریبی ضلع ڈیرہ غازی خان بھیج دیا گیا۔

وزیراعظم شہباز شریف نے دھماکے کی مذمت کرتے ہوئے وزیراعلٰی اور آئی جی پولیس بلوچستان سے رپورٹ طلب کر لی۔

وزیراعظم نے کہا کہ ’دہشت گرد سزا سے بچ نہیں سکیں گے، ناحق خون بہانے والوں کو عبرت کی مثال بنائیں گے۔‘

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More