پاکستان تحریک انصاف (پی ٹی آئی) کے چیئرمین عمران خان نے 28 فروری کو بینکنگ کورٹ میں پیش ہونے کا فیصلہ کیا ہے۔
سابق وزیراعظم عمران خان کی زیر صدارت زمان پارک میں ہونے والے اجلاس میں راولپنڈی تنظیم کے رہنماؤں اور عہدیداروں سے مشاورت کی گئی۔
ذرائع کے مطابق عمران خان کی بینکنگ کورٹ میں پیشی کے معاملے میں اہم فیصلہ کر لیا گیا۔ راولپنڈی ڈویژون کے عہدیداروں کو عمران خان کے استقبال کی تیاریاں کرنے کی ہدایت کی ہے۔
ذرائع کے مطابق چیئرمین پی ٹی آئی کے ساتھ پارٹی کے سینئر رہنما بھی عدالت جائیں گے۔