پاکستان کرکٹ بورڈ (پی سی بی) نے راولپنڈی میں ہونے والے پی ایس ایل سیزن 8 کے میچز کراچی منتقل ہونے کا امکان ہے۔
ذرائع کے مطابق پنجاب کی نگران حکومت نے پی سی بی سے سیکیورٹی کی مد میں 45کروڑ روپے مانگ لیے ہیں۔
پی سی بی نے پی ایس ایل فرنچائزز کا ہنگامی اجلاس کل طلب کر لیا ہے جس میں پنجاب میں ہونے والے میچز کراچی منتقل کرنے پر غور ہوگا۔
ہنگامی اجلاس میں پی ایس ایل کے تمام فرنچائز مالکان کو شرکت کی ہدایت کی گئی ہے۔ پی سی بی فرنچائزز سے مشاورت کے بعد پی ایس ایل میچز کراچی منتقل کیا جائے گا۔
ذرائع کے مطابق فرنچائز مالکان کے سامنے نگران پنجاب حکومت کی سفارشات سامنے رکھی جائیں گی۔ کراچی میں شیڈول میچز کی سیکیورٹی کے اخراجات سندھ حکومت برداشت کررہی ہے۔