سابق وزیر اعظم عمران خان کے خلاف پی ٹی وی اور پارلیمنٹ حملہ کیس میں بڑی پیشرفت ہو ئی ہے، انسداد دہشت گردی عدالت نے دونوں مقدمات سے دہشت گردی کی دفعات خارج کر دی ہیں۔
فیصلہ انسداد دہشتگردی عدالت کے جج جواد عباس حسن کی جانب سے سنایا گیا ہے۔
یہ بھی پڑھیں:
واضح رہے کہ 2014 میں پاکستان تحریک انصاف (پی ٹی آئی) اور پاکستان عوامی تحریک (پی اے ٹی) کے دھرنے کے دوران مشتعل افراد نے پی ٹی وی ہیڈ کوارٹرز پر دھاوا بولا تھا۔
حملے میں ملوث ہونے کے الزام میں تقریباً 70 افراد کے خلاف تھانہ سیکریٹریٹ میں پارلیمنٹ ہاؤس، پی ٹی وی اور سرکاری املاک پر حملوں اور کار سرکار میں مداخلت کے الزامات کے تحت مقدمہ درج کیا گیا تھا، مقدمے میں انسداد دہشت گردی سمیت دیگر دفعات بھی شامل تھیں۔
2014 میں اسلام آباد میں پاکستان تحریک انصاف اور پاکستان عوامی تحریک (پی اے ٹی) کے دھرنے کے دوران مشتعل افراد نے یکم ستمبر کو پی ٹی وی ہیڈ کوارٹرز پر دھاوا بولا تھا۔