کراچی میں پولیس چیف کے دفتر پر حملہ کرنے والے دہشتگردوں کے اہلخانہ نے اہم انکشافات کر دیئے۔
کراچی پولیس چیف کے دفتر پر حملے کی تحقیقات کا دائرہ دیگر صوبوں تک پھیلا دیا گیا اور قانون نافذ کرنے والے اداروں نے خیبر پختونخوا میں مکان پر چھاپہ مارا۔
تحقیقاتی ذرائع کے مطابق چھاپہ گزشتہ روز حملے میں ہلاک ہونے والے دہشت گرد کے گھر پر مارا گیا اور چھاپے کے دوران ہلاک دہشت گرد کے اہلخانہ سے پوچھ گچھ کی گئی۔
یہ بھی پڑھیں:
مارے جانے والے دہشت گرد کے اہلخانہ نے تصدیق کی کہ دہشت گرد کالعدم تنظیم کا تربیت یافتہ کارکن تھا اور چند ماہ قبل گھر سے فرار ہوا تھا۔ اہلخانہ کے مطابق دہشت گرد کے گھر سے باہر نکلنے پر پابندی لگا رکھی تھی۔
تحقیقاتی ذرائع کے مطابق دہشت گرد سے ملنے والے افراد کے حوالے سے بھی تحقیقات کی جا رہی ہیں۔