ترکیہ میں زلزلے کے بعد ریسکیو آپریشن کے دوران مرجانے والے کتے کی میکسیکو میں فوجی اعزاز کے ساتھ تدفین کی گئی۔
غیر ملکی خبر رساں ایجنسی کے مطابق ترکیہ میں ریسکیو آپریشن کے دوران کتا ملبے تلے دبے افراد کی تلاش میں مددگار ثابت ہو رہا تھا تاہم اس دوران کتے کی ہلاکت ہو گئی۔ اس امدادی کتے کا نام “پروٹیو” تھا اور یہ کتا ترکیہ کے شہر ادیامان میں خدمات انجام دے رہا تھا۔
کتے کی موت کی تفصیلات واضح نہیں ہو سکیں تاہم ریسکیو اہلکاروں کا کہنا تھا کہ کتا ہمارے لیے بہت مددگار ثابت ہو رہا تھا۔
میکسیکو کی وزارت دفاع نے کتنے کی خدمات کو سراہتے ہوئے کہا کہ بہادرانہ کام کے لیے “پروٹیو” کا شکریہ۔ جس نے میکسیکو کی فوج کا مشن پورا کیا۔
یہ بھی پڑھیں:
وزارت دفاع کا کہنا تھا کہ میکسیکو کی فوج اور فضائیہ کے اہلکاروں کو ہمارے عظیم ساتھی کتے ’’پروٹیو‘‘ کے بچھڑ جانے پر بہت افسوس ہے۔ کتے نے میکسیکو کے وفد کے رکن کی حیثیت سے ترکیہ میں بھائیوں کو تلاش کرنے اور بچانے کے لیے اپنا مشن پورا کیا ہے۔ ہمیں اس پر فخر ہے۔