خودکشی کرنے والا پرندہ

یوں تو خودکشی کا رجحان انسانوں میں پایا جاتا ہے تاہم آپ یہ بات جان کر حیران رہ جائیں گے دنیا میں ایک ایسا پرندہ بھی موجود ہے جو خودکشی کر لیتا ہے۔

ایک تحقیق کے مطابق شتر مرغ ایک ایسا پرندہ ہے جس میں خودکشی کا رجحان پایا جاتا ہے۔

ماہرین کا ماننا ہے کہ آزاد ماحول نہ ملنے پر یہ پرندے ڈپریشن میں چلے جاتے ہیں اور تنگ آ کر اپنی گردن کو کسی بھی چیز سے لپیٹ کر جان گنوا دیتے ہیں۔

پاکستان میں شتر مرغ کی فارمنگ کرنے والی ایک کاروباری شخصیت نے ہم نیوز کو بتایا کہ انہوں نے 2019 میں اس پرندے کی فارمنگ کا آغاز کیا تھا۔

ان کا کہنا تھا کہ ان کے فارم میں لاکھوں روپے مالیت کے سینکٹروں شتر مرغ موجود تھے جن میں سے کئی نے خودکشی کر لی تھی۔

انہوں نے مزید بتایا کہ شتر مرغوں میں خودکشی کا رجحان دیکھ کر وہ کافی پریشان ہوئے جس کی وجہ سے انہوں نے فیصلہ کیا کہ وہ اس کاروبار کو ختم کر دیں۔