مہنگائی سے غریب متاثر ہوتا ہے لیکن یہ ہماری حکومت نہیں، مریم نواز

مسلم لیگ (ن) کی چیف آرگنائزر مریم نواز نے کہا ہے کہ مہنگائی سے غریب آدمی متاثر ہوتا ہے لیکن یہ میری حکومت نہیں ہے۔

مریم نواز نے لاہور میں نوجوانوں کے وفد سے ملاقات کی۔ اس موقع پر نوجوانوں نے حکومتی ناقص کارکردگی پر ان سے سوال کیا۔

جس کے جواب میں انہوں نے کہا کہ میں حکومت کا حصہ نہیں ہوں۔موجودہ مہنگائی کی ذمہ داری مسلم لیگ (ن) پر نہیں ڈالی جاسکتی۔

انہوں نے کہا کہ ہماری حکومت تو تب ہوگی جب نواز شریف پاکستان میں ہوں گے، نواز شریف ہی پاکستان کو آگے لے کر جا سکتے ہیں۔