عالمی ایٹمی توانائی ایجنسی کا وفد آج 2 روزہ دورے پر پاکستان پہنچے گا۔
ترجمان دفترِ خارجہ کے مطابق آئی اے ای اے کے وفد کی قیادت رفائیل ماریانو گروسی کریں گے، آئی اے ای اے کے ڈائریکٹر جنرل حکام سے ملاقاتیں کریں گے، آئی اے ای اے کے ڈائریکٹر جنرل حکام سے ملاقاتیں کریں گے، دورے سے ایٹمی ٹیکنالوجی کے پُرامن استعمال میں تعاون مضبوط ہو گا۔
آئی اے ای اے حکام ایٹمی ٹیکنالوجی استعمال کرنے والے مخصوص اداروں کے دورے بھی کریں گے، جن میں صحت، زراعت، صنعت اور بجلی کی پیداوار کے ادارے شامل ہیں۔
ترجمان دفترِ خارجہ کا کہنا ہے کہ آئی اے ای اے حکام کے دورے سے سماجی و اقتصادی ترقی میں ایٹمی ٹیکنالوجی کے پُرامن استعمال میں تعاون مضبوط ہو گا۔
واضح رہے پاکستان 1957 سے آئی اے ای اے کا بانی رکن ہے۔