بھارت میں سچائی بتانے پر مودی سرکار نے برطانوی نشریاتی ادارے کے خلاف کاروائیاں شروع کر دیں، بھارت میں محکمہ ٹیکس نے بی بی سی کے دفاتر پر چھاپے مارنا شروع کر دئیے۔
بھارتی میڈیا کے مطابق محکمہ انکم ٹیکس کے 15 اہلکاروں نے دہلی اور ممبئی میں بی بی سی کے دفاتر میں کارروائی کی، تلاشی بین الاقوامی ٹیکسیشن اور ٹرانسفر پرائسنگ میں بے ضابطگیوں کے الزامات پر کی گئی ہے۔
رپورٹ میں یہ بھی کہا گیا ہے کیہ چھاپے کے دوران بی بی سی کے ملازمین کے موبائل فون ضبط کر لیے گئے اور انہیں گھر جانے کو بھی کہا گیا۔
India tax department raids BBC Delhi office: journalist
— AFP News Agency (@AFP) February 14, 2023
واضح رہے بی بی سی نے اپنی رپورٹ میں مقبوضہ جموں و کشمیر، بھارتی مسلمانوں، گجرات قتل عام، ہندو انتہا پسندی اور دیگر عوامل کا جائزہ لیا تھا۔ بی بی سی کا کہنا تھا کہ مودی کی وزارت عظمیٰ، حکومت میں مسلمانوں سے روا سلوک بارے متواتر الزامات لگائے گئے۔ یہ سلسلہ وار کہانی الزامات کے پس پردہ حقائق کی تحقیقات کرے گی۔
نشریاتی ادارے کا کہنا ہے کہ سیریز کا مقصد مودی کا ہندو انتہاء پسند تنظیم راشٹریہ سوائم سیوک سنگ سے تعلق، بھارتیہ جنتا پارٹی میں ابھرنے کا جائزہ لینا ہے۔ مودی کا مقبوضہ جموں و کشمیر پر شب خون مارنا، آرٹیکل 370 کا خاتمہ، شہریت قانون کی جانچ ہے۔ لیکن بھارتی سوشل میڈیا صارفین نے بی بی سی کو نشانے پر رکھ لیا ہے۔