انٹرنیشنل کرکٹ کونسل (آئی سی سی ) نے بھارتی آل راؤنڈر رویندرا جڈیجا پر جرمانہ عائد کر دیا۔
آسٹریلیا کے خلاف پہلے ٹیسٹ میچ کے دوران بھارتی آل راؤنڈر رویندرا جڈیجا نے انگلی پر کریم لگائی تھی، جو آئی سی سی کوڈ آف کنڈکٹ کی خلاف ورزی قرار پائی ہے۔
آئی سی سی میچ ریفری نے رویندرا جڈیجا پر میچ فیس کا پچیس فیصد جرمانہ عائد کیا ہے۔ اس کے علاوہ انہیں ایک ڈی میرٹ پوائنٹ بھی دیا گیا ہے۔
رویندرا جڈیجا فیلڈ ایمپائرز کو آگاہ نہ کرنے پر آئی سی سی کوڈ آف کنڈکٹ کی خلاف ورزی کے مرتکب پائے گئے۔رویندرا جڈیجا نے دوران میچ کریم لگانے کا اعتراف کر لیا۔