وفاقی دارالحکومت اسلام آباد کے ایف نائن پارک میں خاتون کے ساتھ مبینہ طور پر زیادتی کا واقعہ پیش آیا ہے۔
ذرائع کے مطابق خاتون کے ساتھ زیادتی کا مقدمہ تھانہ مارگلہ میں درج کرلیا گیا ہے۔
پولیس کے مطابق متاثرہ خاتون دوست کےساتھ ایف نائن پارک میں تھی جسے اسلحے کی نوک پر 2 ملزمان نے یرغمال بنا کر زیادتی کا نشانہ بنایا۔
مقدمے کے متن میں لکھا گیا ہے کہ ملزمان نے مجھے جنگل میں لے جاکر زیادتی کا نشانہ بنایا اور معاملے کو چھپانے پر زور دیا، اگر کسی کو بھی اس بارے میں بتایا تو تمہیں جان سے مار دیں گے۔
پولیس نے یقین دہانی کرائی ہے کہ وہ ملزمان کو جلد از جلد گرفتار کرلے گی۔