الیکشن کے ساتھ دھماکے کا کوئی تعلق نہیں، نگران وزیر اعلیٰ اعظم خان

نگران وزیر اعلیٰ خیبر پختونخوا  کا کہنا ہے کہ الیکشن کے ساتھ دھماکے کا کوئی تعلق نہیں۔ پہلے بھی دہشتگردی کے واقعات ہوتے رہے یہ نئی بات نہیں ہے۔

نگران وزیراعلیٰ خیبرپختون خوا اعظم خان کا کہنا ہے کہ اور 221 زخمی ہوئے۔ خودکش دھماکے کے ذمہ داروں کو انجام تک پہنچایاجائے گا۔

ان کا کہنا ہے کہ افغانستان کے حالات کی وجہ سے چالیس سال سے دہشت گردی کا سامنا کر رہے ہیں۔ چالیس سال سے دہشت گردی کے واقعات ہورہے ہیں ،نئی بات نہیں۔

ان کا کہنا تھا کہ الیکشن کے ساتھ دھماکے کا کوئی تعلق نہیں، الیکشن کے اعلان سے قبل بھی واقعات ہوئے،شہداء کےلیے جلد پیکج کا اعلان کیا جائے گا۔

نگران وزیراعلیٰ خیبرپختونخوا اعظم خان  نے پولیس لائنز پشاور کا دورہ کیا اور  نقصانات اور امدادی کارروائیوں کا جائزہ لیا۔چیف سیکریٹری، انسپکٹر جنرل پولیس اور دیگر سرکاری حکام بھی وزیر اعلیٰ نے ہمراہ تھے۔