18 ماہ کے بچے کو چلنا اور بولنا سکھانا والدین کی پہلی ترجیح ہوتی ہے لیکن کچھ لوگ ایسے بھی ہوتے ہیں جو اپنے بچوں کو پیدا ہوتے ہی کچھ الگ سکھانے کی کوشش کرتے ہیں اور اکثر اس میں کامیاب بھی ہوجاتے ہیں، آج ہم ایک ایسے بچے کے بارے میں ہی بات کرینگے جس نے 18 ماہ کی عمر میں 7 انٹرنیشنل اعزاز جیت لیےہیں۔
بچے کی والدہ ام علین کو ایاد کی پیدائش سے قبل فالج کا اٹیک ہوا اور ان حالات میں ڈاکٹرز نے پانچ ماہ کے حمل کو گرانے کا مشورہ دیا لیکن خاتون نے ایسا کرنے سے منع کردیا اور اپنے بچے کو دنیا میں لانے کا فیصلہ کیا۔
خاتون نے بچے کو جنم دیا اور 20 ماہ کا ایاد نارمل زندگی گزار رہا ہے جبکہ 18 ماہ کی عمر میں 7 عالمی اعزازات حاصل کرچکا ہے اور حیران کن بات تو یہ ہے کہ ایاد نے 4 ماہ کی عمر سے چیزوں پر ردعمل دینا شروع کردیا تھا اور کچھ ماہ میں ہی چیزوں کی پہچان اور حروف سیکھ لئے تھے۔
ام علین نے بتایا کہ بچے کی ویڈیوز سوشل میڈیا پر ڈالنے کی وجہ سے لوگوں نے مجھے عالمی اعزازت دینے والے اداروں سے رجوع کرنے کا مشورہ دیا جس کے بعد اداروں نے میرے بچے کی صلاحیتوں کو دیکھا اور 7 سرٹیفکیٹس سے نوازا۔