چڑچڑا پن ختم ہو سکتا ہے ۔۔ کیلا کھانے سے کیا ہوتا ہے؟ سائنس کا دلچسپ انکشاف

پھل اور سبزیاں آپ کے موڈ کو تبدیل کر سکتی ہیں، ظاہر ہے جو پھل آپ کو پسند ہے وہ آپ شوق سے کھاتے ہیں تو خوش ہو جاتے ہیں، لیکن سائنس اس حوالے سے دلچسپ رائے رکھتی ہے۔

ہماری ویب ڈاٹ کام کی اس خبر میں آپ کو کیلے سے متعلق دلچسپ معلومات فراہم کریں گے۔

کیلا عام طور پر ہر دوسرے شخص کی پسند ہے، اس کی وجہ یہ ہے کہ نہ زیادہ میٹھا اور نہ زیادہ کھٹا، لیکن نرم پھل جو کھانے والے کو لطف دیتا ہے۔

لیکن اب سائنس کا کہنا ہے کہ کیلے انسان کے موڈ کو بھی تبدیل کر سکتا ہے۔ چڑچڑے پن، غصے اور مایوسی کیسے موڈ پر بھی کیلا اثر انداز ہو سکتا ہے۔

ایسا اس لیے ہوتا ہے کیونکہ کیلا Tryptophan پر اثر انداز ہوتا ہے جو کہ ایک قسم کا Amino Acid ہے۔ جو کہ آپ میں سروٹونین کی افزائش کا باعث بن سکتا ہے، جس سے آپ کو موڈ بہتر ہوتا ہے۔

Tryptophan آپ کو کھانا کھانے میں مدد فراہم کر سکتا ہے اور ساتھ ہی بہترین نیند کے لیے بھی مددگار ثابت ہو سکتا ہے۔

جرنل آف ایگری کلچرل اینڈ فوڈ کیمسٹری میں شائع ہونے والی ریسرچ کے مطابق کیلے میں 10 ایم جی تک ڈوپامائن ہوتا ہے، جو کہ نیوروٹرانسمٹر ہے۔ یہ دراصل آپ کو پُر سکون رہنے، خوشی محسوس کرنے میں مدد کر سکتا ہے۔

دوسری جانب ڈوپامائن کی کمی سے انسان میں نیند کی کمی، توجہ دینے میں کمی، موڈ خراب جیسے شکایات بھی آ سکتی ہیں۔