سر پر بال نہ ہوں تو کسی کے ساتھ ملنا جلنا اچھا نہیں لگتا، کیونکہ بال ہماری شخصیت کا آئینہ سمجھے جاتے ہیں اور جب بال لہراتے، چمکدار ہوتے ہیں تو انسان میں اعتماد بھی آ جاتا ہے۔ لیکن شاید آپ کو جان کر حیرانی ہوگی کہ بال بھی آپ کی صحت کے خفیہ راز بتاتے ہیں۔ آج ہماری ویب کی فیچرڈ نیوز میں سائنسی تحقیق اور رپورٹ کی روشنی میں ہم آپ کو بالوں کے ذریعے اپنی صحت کو جانچنے کا آسان طریقہ جس کی مدد سے آپ خود بالوں کو دیکھ کر اپنی صحت کا اندازہ کرسکتے ہیں۔
٭ اگر آپ کے بال دو منہ کے ہیں اور نیچے سے خراب ہو رہے ہیں تو یہ اس بات کی نشاندہی کرتا ہے کہ آپ کا معدہ خراب ہے یا اس سے گیس کا اخراج کم سے کم ہے، جس کا اثر بالوں پر بھی واضح ہوتا ہے کہ لیکن یہ بات بہت کم ہی لوگ جانتے ہیں۔
٭ اگر آپ کے بال بہت زیادہ خشک ہیں تو اس کا مطلب یہ ہے کہ آپ کے جسم میں فائٹوٹاکسرز کی کمی ہے جس کی وجہ سے آپ کو جسم پر دانے پر بھی نکل آتے ہیں اور جگر کے مسائل بھی ہو رہے ہیں، مگر ہر کسی کی جسامت ایک جیسی نہیں ہوتی، اس لئے یہ ضروری نہیں کہ جگر کے مسائل سب کے ساتھ ہوں۔ کچھ کا مدافعتی نظام بہتر ہوتا ہے کہ اس وجہ سے وہ بیماریوں سے بچ جاتے ہیں۔
٭ اگر آپ کے بال لچکدار اور مضبوط ہیں تو اس کا مطلب کسی حد تک یہ بھی ہے کہ غذا سے جتنی طاقت جسم کو ملنی چاہیئے اس کا آدھا فیصد حصہ بالوں کو مل رہا ہے، یوں آپ کے اکثر اوقات تھکے تھکے رہتے ہیں۔
٭ اگر آپ کے بال آسانی سے ٹوٹ جاتے ہیں اور ہر وقت ہی ایسا ہوتا ہے تو آپ کو ہارمونل مسائل بے حد ہیں جن کے لئے آپ کوڈاکٹر سے ہر ہفتے رجوع کرنا چاہیئے ورنہ ہارمونز پیچیدگیوں کا شکار ہو جاتے ہیں۔
٭ اگر آپ گنج پن کا شکار ہو رہے ہیں تو اس کا مطلب یہ ہے کہ آپ کے اندر تھائیرائیڈز کی کمی یا حد سے زیادہ ذیادتی ہوچکی ہے جس کے اثرات بالوں پر پڑ رہے ہیں۔
٭ بالوں میں خشکی بدہضمی کے مسلسل ہونے کی وجہ بھی ہوتی ہے کیونکہ اس سے جسم کے اضافی مآدے خارج نہیں ہو پاتے۔ اور یوں سکیلنگ شروع ہو جاتی ہے، جس سے خشکی بڑھتی رہتی ہے۔
٭ اگر گچھوں کی صورت میں بال اتر رہے ہیں یعنی لمبے لمبے بال اتر رہے ہیں تو اس کا مطلب یہ ہے کہ آپ کے جسم میں خون کی کمی حد سے زیادہ بڑھ گئی ہے اور آپ اینیمیا کی بیماری میں مبتلا ہو رہے ہیں۔
بال صحت مند ہیں یا نہیں، اس بات کا پتہ کیسے لگائیں؟
٭ بالوں کو پانی میں ڈوبائیں:
سر کے بال اترتے ہیں، ان میں سے صرف ایک بال کو پانی کے گلاس میں ڈالیں، اگر بال پانی کی سطح پر رہے تو اس کا مطلب ہے کہ آپ کے بال صحت مند ہیں، لیکن اگر بال ڈوبنے لگیں تو یہ اس بات کی نشانی ہے کہ آپ کے بال کمزور ہیں، لہذا اس ٹیسٹ کے بعد آپ ڈاکٹر سے لازمی رجوع کرلیں۔ کیونکہ بال وزن پڑنے کی وجہ سے ڈوبتا ہے ، جبکہ صحت مند بال کا اپنا وزن اسے تیرنے پر مجبور رکھتا ہے۔