مہندی سے متعلق اکثر لوگ یہی تصور کرتے ہیں اس سے خواتین ہاتھوں اور پیروں پر نقش و نگار بنا کر اپنی خوبصورت میں مزید اضافہ کرتی ہیں لیکن کچھ طبی ماہرین جانتے ہیں کہ مہندی کم قیمت ہونے کے ساتھ حیرت انگیز خوبیوں کی حامل ہے اور اس مہندی کے پتوں سے مختلف دوائیں بنائی جا رہی ہیں۔

آج ہم مہندی کے پودے کے پانچ کرشماتی فوائد سے اپنے پڑھنے والوں کو آگاہ کریں گے۔

1- گٹھیا اور جوڑوں کا درد

مہندی کو ہاتھوں یا پیروں پر لگانے سے ٹھنڈک کا احساس ہوتا ہےجو کہ جسم کو پُرسکون اور اعصاب سے تناؤ کو ختم کرنے کا باعث بنتی ہے اور اس سے اینٹی اینفلامیٹری ایفکٹ پیدا ہوتے ہیں جو جسم میں جوڑوں کے درد اور سوزش کو دور کرنے کا باعث بنتے ہیں۔

2- بالوں کو گھنا کرتی ہے

مہندی کے پودوں کو استعمال کرنے سے بال ایک دم صحت مند رہتے ہیں اور بالوں میں چمک پیدا کرتے ہیں اور بالوں میں چمک کو بڑھاتی ہے۔

3- مسوڑھے مضبوط بناتی ہے

مہندی کے پودے کی اینٹی بیکٹریل خوبیاں مُنہ کے جراثیموں کا خاتمہ کرتی ہے اور اگر اس کے پتوں کو چبایا جائے تو یہ مسوڑھوں کی بیماریاں دور کرتی ہے۔

4- جلد کے مسائل

مہندی کے پودے جلد کے مسائل کے لیے بھی مفید مانے جاتے ہیں۔ قدیم طب میں مہندی کو زخموں کو تیزی سے بھرنے کے لیے استعمال کیا جاتا تھا کیونکہ حنا کے پتوں میں اینٹی سیپٹک کی خوبیاں پائی جاتی ہیں جو جِلد کو نقصان پہنچانے والے بہت جراثیموں کا خاتمہ کرتی ہے۔